ولد مطول لسانه على خالــآآته..

هذا سلمكم الله ولد يسب خالاته اقرووها كامله تفطس ضحك شكله حاقد عليهم وبقوة

ه خاﻻ‌تي العزيزات أي وحدة منكم شغلت مخابراتها وعارفة إن هذا هو يوزري أنصحها تطلع من هالموضوع ﻹ‌نه مايصلح لها وﻻ‌هيب صافيه القلوب عقبه مير خلوني أطلع اللي في قلبي فيذا أحسن من إني أنفجر عليكم في صالة بيت أخوالي همن والله ﻻ‌قلب عليكم وكيليكس وإﻻ‌ مجتهد وتعرفون إن الله حق ..

بما إن خاﻻ‌تي ماشاء الله 8 ،، فأنا أبدأ بهن وحده وحده وأبطمر إلي مالها ذنب ..

خالتي ساره :
أنتي أكبرهن المفروض تصيرين أعقلهن ،، ليش جو المخابرات اللي أنتي عايشته والتعتيم اﻹ‌عﻼ‌مي إلي تمارسينه على تنقﻼ‌ت عيالتس ..
يعني ولدك محمد أنا إلي حاجز له سفرته لباريس شهر عسل ومضبط أموره كامله ، وأسألك ذاك اليوم ماشاء الله وين شهر عسل محمد تقولين رايح يعتمر هو وحريمته
أحرم في الشانز ؟!!
ليه شغل الخفا ؟
خلي هذي على جنب ، بنتك كرشتها متر قدام تقل خزان الزامل تسألك إختي ماشاء الله مشاعل حامل ؟ تقولين ﻻ‌ إﻻ‌ إن تسان فيها شيء ماعلمتني عنه
هههههههه علينا ياخاله
تراها معرسه .. بالحﻼ‌ل يعني .. والبيت مليان بزور ولله الحمد ماعلينا قاصر بزور !!
طيب ياخاله الله يطول في عمرتس على الطاعة ،، خلي الثنتين اﻷ‌وﻻ‌ت على جنب
هالحين ولدك طالع إسمه في اﻷ‌خبار وفي الجرايد إن مجلس الوزراء عينه مستشار في الوزاره ، نجي نبارك لتس زينا زي أي بشر يمارسون حياة إجتماعيه
نقول مبروك ترقيه فهد ، تقولين مهيب ترقيه أبد مكلفينه بهالعمل فتره همن يبي يقاعدونه
ياخاله ياخراطه ..
صحيح إن الكتمان زين والواحد مايصير تسنه سليمان العيسى مايمدي الملك يعلمه بشيء إﻻ‌ وهو معلنه
لكن في حدود المعقول ،، ﻻ‌تصير صفة الخفا وإخفاء اﻷ‌مور رغم سخافتها من صفاتك ،، ﻹ‌ن مصيرك مفضوح وبيصير موقفك بااااااااااااااااااايخ
في مجتمعنا وفي أسرنا صعب التعايش مع التعتيم ،، لكن أمور البيت محدوده بجدران البيت واللي يقبل المشاركه نشارك به ونعيش .. !!

خالتي الجوهره :
هالحين في ذمتك متميلحه عيالك ؟
يعني صدز صدز ، عايشة جو إنهم كفو إن الواحد يبثر ام المسلمين بسواليفهم ..
لعنبو بليسك دببه ﻻ‌تبطحوا في اﻹ‌ستراحه يشيشون تسنهم روس تريﻼ‌ت عند محطة
وإﻻ‌ ولدك عبودي ،، هاك اليوم أبارك لخالي أحمد بالهمر إلي شاريه ،، قال وينه ؟ ،، قلت إلي موقف تحت العبريه ،، قال هذا عبدالله ماخذ له غطه !!
والله ياخاله لو إني منيب أعرفهم وأسمع سواليفتس عنهم تسان قلت ذوﻻ‌ طاهرين مطهرين ، هذوﻻ‌ من مﻼ‌ئكة الرحمن ..
مشغلتنا ناصر الله ياقاه ويحفظه شابن علي يبي يعتمر بي وأنا أقول والله منيب رايحه بدون أبوك وهالشايب معيي ..
طيب معليش ممكن نسمع هالسالفه مره ،، لكن مسأله إني كل مغرب أجي أتقهوى عندكم أسمع هالسالفه ، ناصر ذا وإﻻ‌ حمله اﻹ‌تقان
ياخالتي الله يرضى عليك كل الناس تحب عيالها وكل وحده تشوف ولدها أطلق واحد في الكرة اﻷ‌رضيه ،، ﻻ‌تصيرين مثل خالتي ساره سكتم بكتم وﻻ‌تصيرين مبالغه في مدح عيالك ، ترى اﻷ‌وادم لها تسبود الله يرضى عليك

خالتي ندى :
مدري ليه أحبك ،، لله وفي الله ..
لكن أنتي منيب مزود عليك ﻹ‌ني أحبك ،، بس صراحه عجزت أعرف لك !!
فيك شيئين غريبات :
اﻷ‌ول من بد خاﻻ‌تي كلهن أنتي إلي لبسك مهوب ساتر .. طيب ليه ؟
ليه تخلين خاﻻ‌تي وبناتهم ينقدون عليك وعلى لبسك وجدتي إلي هي أمك يضيق صدرها منك على غير سنع ،،
بعدين ترى الموضوع فيه شحوم طول الله عمرك
الثاني هالحين أنتي مدرسه ورجلك مدير مالي في شركه يعني راتبه اقل شيء 20 ألف ، يعني ماعليكم وضعكم زين ..
ليه تشرين من الهرم وتنصبين على خاﻻ‌تي وتقولين أرماني من رباعيات ؟!!
يعني أنتي فعﻼ‌ تقدرين تشرين من رباعيات ..
ليه النصب ؟
صدقيني ياخاله قيمتك وقيمة عيالك بأخﻼ‌قك مهوب بمﻼ‌بسك ،، وإلي بيحسب قيمتك بلبسك مهوب كفو إنك تناظرين له ولرايه !!
ثم ترى التفصخ عموما مهوب يم سنع وشلون ﻻ‌صار في مجتمع محافظ .. يعني أقل شيء ارضي أمك ،،
ترى في بالي كﻼ‌م واجد مير فاكك الله إن هالموضوع مهوب في العيارين وإنك خالتي وإني أحبك وإﻻ‌ تسان والله لو قريتيه إن تلفين عمرك بقصدير ماتبين إﻻ‌ عيونك
خالتي ليلى :
ﻻ‌ ﻻ‌ أنتي يبي لك موضوع لحالك ..
من 3 سنوات يوم تعرسين الله ﻻ‌يعيد هاك اليوم إلى يومك هذا وأنتي كل مغرب ماعندك شغل إﻻ‌ تشكين من رجلك !!
يقولون خاﻻ‌تي وراك مارحتي معنا تزورين فﻼ‌نه ؟
والله عيا خالد ، وعصب علي !!

تسألين خالتي ندى ذاك اليوم عن شغله قالت تلقينها في زارا ، قلتي إيه بس من يوديني خالد مافيه أمل ، الله يخلف علي بس
من كثر ماتشكين منه خليتينا كلنا نحسب إن خالد هذا سربوت مافيه خير وإن أخوالي دلوخ يوم إنهم يوافقون عليه ، وإنه آخر عﻼ‌قته بولده هاك الليلة وﻻ‌ يشيله وﻻ‌ يساعدك في مسكه ويخليك كل يوم تسوين غدا وﻻ‌زم يصير مع الغداء سلطة وإدام ،، وياويلك لو ماصار معه ،، بيقلب البيت نكد وبيغسل شراعك ..
ومعيشتنا الجو ،، لدرجة إني حقدت عليه وصرت منيب أقبل منه ﻻ‌مزح وﻻ‌ غيره ،، وأشوفه حشره تمشي في بيت أخوالي
إلى اﻵ‌ن واﻷ‌مور زينه وأنتي مغير تشكين وأنا أزداد حقدا
هاك اليوم ركبوا معي خاﻻ‌تي ورحنا لمها في بيتها نبي ناخذها يبي يزورون أم البرغش
نزلنا البزور عندها في البيت وركبت معنا هي ..
كان مع البزور ولد إختي الصغير ..
يوم رجعنا ومريناهم وأسأله قلت هاه عساك انبسطت في بيت خاله ليلى ..
قال إييييييييييه مررررررررررره ..
رضعنا عزوزي حنا وخالد بعدين بدلنا له بعدين نومناه بعدين غسلنا المواعين بعدين سوينا الشاهي وقعدنا ناكل حب ونناظر التلفزيون
قلت اصبر وأنا خالك ،، هالحين اللي مغير لعزوزي خالد ؟!!
قلت إيه وشفنا عيبه
قلت خل عيبه يا ابن الحﻼ‌ل العيب اللي تسويه خالتك أجل الضعيف شغال مربيه وغسيل مواعين ويغير للولد ،، ياناس يغير للولد ،، وهي تشكي منه وإنه انسان ﻻ‌مبالي ومقصر في بيته !!
مع إني من يوم شفت قذيلته وساعته البيضا إلي عقاربها وردي وأنا داري إنه مهوب كفو ينفخ على قطو وشلون على هالملسونه ..
لكن خدعتنا
تحمست وقلت ﻹ‌ختي ،، إذا في راسها خير تحتسي باتسر والله ﻷ‌شذبها ،، وعقدت إختي في البيت لجنه مناصحة وغيروا رايي ..
خالتي العزيزه ،، الله يخليه لك ويخليك له ،، أنا ما أقولك امدحيه وقولي رجلي يفعل ويترك ،، ﻹ‌ن أيضا مسأله إنه يغير لولدك هذي عندي أردى من اللي سواه كله
لكن خليك زيك زي غيرك إلي في البيت في البيت ،، إن سألك أحد عنه فإحمدي رب العالمين واشكريه وإن ما أحد قالك شيء فسكتي ..
ترى الكذب حبله قصير ،، ويترتب عليه أمور أكبر من حتسي حريم عقب عصر

خالتي تهاني :
الصدز إنك إميليحه ومعطيك الله خفة دم وتنهضمين وياحظ رجلك
لكن ياخاله ما ودي أقولك هالكﻼ‌م في وجهك أخاف أحرجك ﻹ‌نك من مواقف سابقه ماتبين شيء وتجيك الصيحه ..
فلذلك ياخالتي أنا ومن على شاكلتي إلي يدربون روسهم ،، نتفيهم وعساك على القوه من راسي إلين رجليني ﻻ‌تخلين فيني موضع شبر إﻻ‌ ونتفتيه ماعدا ماحرم الله
لكن بعض المرات ذبك يجرح ..
مثل ذاك اليوم يوم تقولين لخالتي حصه " بالعكس بنتك تمشي معها اﻷ‌لوان الغامقه ،، تراها سمرا كنها دارسينه " والبنيه جالسه جمبك !!
تغير وجهها الضعيفه وخنقتها العبره !!
صحيح إن السبايك الموجودين ضحكوا على الذبه ،، لكن ترى ذي طفلة أي شيء ممكن يجرح مشاعرها
والمره الثانيه يوم تقولين " لو قضى الزيت خذنا من شحم وليد "
طيب أنتي عارفه إنه الضعيف متبهذل بسبب هالسمنه وﻻ‌خلى مكان ماعالج فيه تجين وتنتفينه على نفس الموضوع !!
لو إني منه والله ﻷ‌جلس عليك أخلي روحك تطلع <--- ما أردى من تهاني إﻻ‌ ولد إختها
خفة الدم زينه والمزح يديم العﻼ‌قه ،، لكن في أمور ﻻ‌زم نراعيها ﻻ‌جينا نحتسي .. مهوب أي كلمه تطري على الواحد يقولها يقولها ..
لو نطبق هالشيء تسان لقيتي هالموضوع محذوف وأنا ملحط في الحاير على الحتسي إلي بأقوله وإﻻ‌ تراني مانسيت يوم تنشق ذيك وذيك وأشوف ذاك وذاك

طبعا أكيد شخصيات خاﻻ‌تي موجوده في أغلب العوائل السعوديه ، صحيح إني بردت قلبي بإنتقادهم لكن الهدف أيضا إن أي وحده تقرا هالموضوع وهي فيها وحده من هالصفات تدري إن غيرها يدري عنها ومسلك لها
وأيضا إن غض الطرف من أهم شروط التعايش ، لو أبشيل في قلبي وأبدقق على كل واحد منهم كان ما اجتمعنا كل يوم ..
وأيضا هم لو بيدققون علي كان حامت كبودهم مني ..
أنا أتنازل وهم يتنازلون وتدوم الحياة على رضا وحب
مع إن هذا ماينفي إن فيهم خير وأحبهم ولو أقعد كم يوم ماشفتهم انهبلت مير شي في الخاطر وقلناه

ههههههههههههههههه فاطس

آلله يعين هآلخآلآت ... ولد آخت مآ شآء آلله عليه ..

آلمهم آنا بطلب طلب من روز وريآنة

هو قآل آلصفآت هذي موجودة في آغلب آلمجتمع آلسعودي

آللحين روز وريآنة ... آنتووآ صفآتكم تشبه صفآت آي وحدةة .. silent

روزي آظن صفآت آلكل آجتمعت فيك ... نذذذذل

ريآنة يآلله جآوبي ... آم آلآحرآج .... ولد مطول لسانه على خالــآآته.. 3420829891

هههههههههههههههههه

تقبلي مروري ولد مطول لسانه على خالــآآته.. 3577162415

ـــــــــ

ـــــــــــــ